Hewlêr (Rûdaw) - Serokwezîrê Îraqê li Wasingtonê diyar kir ku pirsgirêkên di navbera Hewlêr û Bexdayê ne siyasî, teknîkî û yasayî ne.
Serokwezîrê Îraqê Mihemed Şiya Sûdanî îşev li Navenda Lêkolînan a Atlantîkê di panelekê de li ser rewşa Îraqê û pêwendiyên Hewlêr û Bexdayê axivî.
Sûdanî ragihand ku eger Herêma Kurdistanê pabendiyên xwe bi cih bîne, dahata petrolê radest bike dê rêjeya ji sedî 12,67 a budceya Îraqê were şandin.
Sûdanî herwiha da zanîn ku biryara ragirtina hinardekirina petrola Kurdistanê pirsgirêka mûçeya fermanberên Herêma Kurdistanê saz kir.
Sûdanî diyar kir ku wan li ser biryara Dadgeha Federal a Îraqê mûçeyên Sibat û Adarê yên karmendên Herêma Kurdistanê şand.
Serokwezîrê Îraqê Mihemed Şiya Sûdanî got:
“Rawestandina hinartina petrolê ji bo mûçeyên karmendên Herêma Kurdistanê pirsgirêk çêkir lê li ser biryarên Dadgeha Federalî me mûçeyên meha Sibatê û Adarê yên karmendên Herêma Kurdistanê şand.
Em bi Serok Joe Biden re li ser bicihkirina rêkeftina stratejîk axivîn û enerjî û jîngeh mijarên sereke yên civînên me bûn.”
Sûdanî behsa şerê Xezeyê jî kir û got:
“Divê civaka navneteweyî şerê li Xezeyê rawestîne. Divê Filistînî bibin xwedî dewleta xwe ya serbixwe. Em hişyariya mezinbûna şerê Xezeyê didin.”
Serokwezîrê Îraqê Mihemed Şiya Sûdanî sibe vedigere Îraqê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse