Hewlêr (Rûdaw) - Li parêzgeha Wanê ya Bakurê Kurdistanê ji ber berf û pûkê rêya 30 gundî hat girtin.
Şaredariya Bajarê Mezin a Wanê ragihand, li parêzgehê doh berf bariya û rêya 30 gundî hat girtin.
Tîmên Şaredariyê doh ji bo vekirina rêyan dest bi xebatan kir û heta niha rêyên 28 gundan hatine vekirin.
Xebatên tîmên şaredariyê yên ji bo vekirina rêya du gundan berdewam dikin.
Li Wanê piştî barîna berfê navenda bajêr spî bû û di çûn û hatinê de pirsgirêk derdikevin.
Şêniyên bajêr berfa li ser banên malên xwe û li ber dikanên xwe dimalin.
