Hewlêr (Rûdaw) - HAK PAR dibêje, “Babe Şêx welathezekî bawermend bû. Di rêya azadiya Kurdistanê de xizmetên berçav kir.”

Partiya Maf û Azadiyan (HAK PAR) bi boneya koça dawî ya Rêberê Rûhanî yê Kurdên Êzidî peyamek belav kir.

HAK PAR dibêje, “Mixabin me bihîst ku Rêberê Rûhanî yê Êzidiyan, birêz Babe Şêx (Xirto Hacî Îsmaîl) li Hewlêrê wefat kirîye. Babe Şêx welathezekî bawermend bû. Di rêya azadiya Kurdistanê de xizmetên berçav kir.”

Di dewaam peyamê de tê gotin, “Bila serê malbatê, hezkiriyan, heval û hogiran sax be. Serê melbenda Êzidîyan û Civata Êzidiyan sax be. Bila serê miletê Kurd sax be. Rûhşad  be, di nav nûr û ronahiyê de razê.”

Şêwirmendê Civata Rûhanî ya Kurdên Êzidî, Siûd Misto ragihand, koça dawî ya Babe Şêx zirareke mezin e ji bo Kurdistanê û Êzidxanê, ji ber ku ew sembola pêkvejiyanê bû û ti ferq û cudahî di navbera olan de nekir. Siûd Misto herwiha diyar kir, Mîrê Êzidiyan bi şêwira li gel Civata Rûhanî ya Kurdên Êzidî û hemû civaka Êzidî dê kesekî li cihê Babe Şêx diyar bike.

Siûd Misto, Babe Şêx weke “sembola pêkvejiyanê li Kurdistanê” bi nav kir û diyar kir, Babe Şêx herdem aliyê tifaq û tebayiyê û xêrxwaziyê bû, bêyî ti ferq û cudahî di navbera netewe û mezheban de.

Misot got: “Wefata Babe Şêx zirareke gelek mezin e bo civaka Kurdistanê û êzidiyên Kurdistanê, Iraqê û seranserî cîhanê, ji ber hindê em dibêjin bila serê Kurdistanê sax be, serê Êzidxanê sax be.”

Şêwirmendê Civata Rûhanî ya Kurdên Êzidî, derbarê şûngirê Babe Şêx de jî ragihand, mekanîzma diyarkirina kesekî li cihê Babe Şêx, di destê Mîr de ye û Mîrê Êzidiyan dê kesekî li cihê wî diyar bike.

Siûd Misto got, Mîrê Êzidiyan bi şêwira li gel Civata Rûhanî ya Kurdên Êzidî û hemû civaka Êzidî dê kesekî li cihê Babe Şêx diyar bike.

Misot derbarê taybetmendiya şûngirê Babe Şêx de jî axivî û got, “divê ew kes kesekî aştîxwaz be, aştî û tifaqa civakî yek ji armancên wî yên serekî be bêyî ferq û cudahî, kesekî xêrxwaz be, kesekî zana ba derbarê olî de, derbarê tekstên ola êzidiyan de.”

Di berdewamiya axaftina xwe de, Misot got, “ev tex weke diyar e ji mala Şêx Fexrî ye, çimku ew sicadeya wan e, Mîr kesekî xwe berhev kirî bo vî postî, dê wî hilbijêre, bi şêwira li gel Civata Rûhanî, li gel lijna şêwirdar û li gel kesanên zanayên taybetmend û maqolên Êzidî.”

Siûd Misto tekez kir, hêj ti biryar derbarê diyarkirina kesekî li cihê Babe Şêx nehatiye dan.

Şêwirmendê Civata Rûhanî ya Kurdên Êzidî destnîşan kir, Babe Şêx rêberê rûhî yê Kurdên Êzidî bû û serpreştiya hemû merasimên olî yên Êzidiyan dikir.

Bi gotina Siûd Misto, Civata Rûhanî ya Kurdên Êzidî ji 5 kesan pêk tê, ku Mîr serpireştiya wê dike û Babê Şêx, Peşîmamê, Şêxê Wezîr û Serokê Qewalan endamên wê civatê ne.

Piştî êrîşa 3ê Tebaxa DAIŞê bo ser Şingalê, ku bi hezaran keç, jin û zarokên Kurdên Êzidî wek exsîr ketin destê çekdarên wê rêxistina tundrew a îslamî, mijara rizgarkirina wan keç û jinan û pirsa qebûlkirina wan di nav civaka Kurdên Êzidî de bûbû mijarek serekî.

Siûd Misto, Şêwirmendê Civata Rûhanî ya Kurdên Êzidî dibêje, Babe Şêx ji bo pêşwazîkirina li wan keç û jinan “biryareke dîrokî” da û ji malbatên wan keç û jinan xwast, ku careke din himbêza xwe ji wan re vekin.

Partiya Sosyalîst a Kurdistanê (PSK) ji ber koça dawî ya Rêberê Rûhanî yê Kurdên Êzidî, Babe Şêx ku şeva bihorî li Hewlêrê wefat kir, peyamek belav kir û ragihand, Babe Şêx niştimanperwerekî hêja û evîndarê gel û welatê xwe bû.

PSKê xemgîniya xwe bi koça dawî ya Babe Şêx nîşan daye û dibêje: “Em bi kirasguhartina Serokê Ruhanî yê Ola Êzdî Şêx Xîrto Hacî Îsmaîl (Baba Şêx) gelek xemgîn bûn.Babe Şêx ne tenê kesayetiyeka olî û civakî û xêrxwaz, herwisa niştimanperwerekê hêja, evîndarê gel û welatê xwe bû.”

PSK wefata Babe Şêx weke “xisareke mezin” bo Kurdistanê bi nav dike û dibêje, “Kirasguhartina Babe Şêx di zirufa îro ya Kurdistanê de xisareka mezin e. Lê belê em piştrast in sengerê Babe Şêx xalî namîne.”

Di beşeke din a peyama xwe de, PSK destnîşan dike, ku Babe Şêx “kar û xebat dikir daku Êzidî mafên xwe bi dest ve bînin û Kurdistan bibe warê pekvejiyana pêkhatayên olî û neteweyên Kurdistanê.”

Peyama PSKê wiha ye:

Baba Şêx kiras guhart

Em bi kirasguhartina Serokê Ruhanî yê Ola Êzdî Şêx Xîrto Hacî Îsmaîl (Baba Şêx) gelek xemgîn bûn.

Babe Şêx ne tenê kesayetiyeka olî û civakî û xêrxwaz, herwisa niştimanperwerekê hêja, evîndarê gel û welatê xwe bû.

Kar û xebat dikir daku Êzidî mafên xwe bi dest ve bînin û Kurdistan bibe warê pekvejiyana pêkhatayên olî û neteweyên Kurdistanê.

Kirasguhartina Babe Şêx di zirufa îro ya Kurdistanê de xisareka mezin e. Lê belê em piştrast in sengerê Baba Şêx xalî namine.

Em serxweşiya xwe pêşkeşê malbata Baba Şêx û birayên xwe Êzidî yên seranserê cihanê dikin, şirîkê xema wan in.

02 Cotmeh 2020

PSK-Partiya Sosyalîst a Kurdistan

Termê Babe Şêx beriya kêliyekê gihîşt gundê Bozanê û her li vê derê tê veşartin.

Babe Şêx, Rêberê Rûhanî yê Êzidiyan şeva bihorî li li nexweşxaneyeke Hewlêrê di 87 saliya xwe de ji ber nexweşiyê koça dawî kir.

Îro danê sibê termê Babe Şêx ji Hewlêrê ve ber bi Şêxanê ve birêketibû û di rê de li nav hin komelgehên êzidiyan re derbas bû û xelkê bo rêzgirtina li wî li herdu aliyên rê rawestiyabûn û xatira dawî li Babe Şêx xwestin.

Ji ber wefata Babe Şêx, 3 rojan şîna giştî dibe, lê belê li qezaya Şêxanê dê şîna bo mirina wî heft rojan berdewam be.

Serokê Giştî yê Partiya Azadiya Kurdistanê (PAK), Mustafa Ozçelik bi boneya koça dawî ya Rêberê Civata Rûhanî ya Kurdên Êzidî, Babe Şêx peyameke sersaxiyê belav kir.

Mustafa Ozçelik di vê peyama xwe de xemgînî û hemxemiya xwe li gel malbata Babe Şêx û Kurdên Êzidî nîşan dide.

Peyam bi vî awayî ye:

Me bi xemgînî wefata rêberê rûhanî yê xwişk û birayên xwe yên Kurdên Êzidî Babe Şêx (Xirto Hacî Îsmaîl) bihîst.

Xwedê bi rehma xwe şad bike. Cihê wî biheşt be.

Ez li ser navê xwe û li ser navê hemû rêvebir û endamên PAKê sersaxiyê ji hemû malbatê re, ji hemû xwişk û birayên me yên Kurdên Êzidî re dixwazim.

Sersaxiyê ji gelê me re dixwazim.

Mustafa Ozçelik

Serokê Giştî yê PAKê

Emîndarê Giştî yê Yekgirtûya Îslamiya Kurdistanê bi helkefta koça dawî ya rêberê rûhî yê Êzidiyan, Babe Şêx, peyameke sersaxiyê arasteyî malbata wî, Mîrê Êzidiyan û tevahiya Kurdên Êzidî kir û ragihand: “Babe Şêx kesekî niştimanperwer bû.”

Selahedîn Behaedîn di vê peyama xwe de dibêje: “Cenabê Babe Şêx kesatiyekî aştîxwaz û niştimanperwer û dostekî birêz bû, herdem di hewla pêkvejiyanê û aramiya civakî de bû.”

Selahedîn Behaedîn ragihand: “Bi boneya koça dawî ya cenabê Babe Şêx, rêberê rûhî yê hemwelatiyên Êzidî, ji nîveka dil ve serxweşî û hevxemiya xwe ji malbata koçkirî, cenabê Mîrê Êzidiyan û tevahiya kesûkar û hemwelatiyên Êzidî re radigihînin û ji Xwedê dixwazim ruhê wî asûde be û ber rehmet û dilovaniya Xwedê ketibe.”

Rêberê Rûhanî yê Êzidiyan Babe Şêx şeva bihorî li li nexweşxaneyeke Hewlêrê di 87 saliya xwe de ji ber nexweşiyê koça dawî kiribû.

Serokê Liqa Duhokê ya Yekîtiya Zanayên Ola Îslamê, Mele Cîhad Doskî ragihand, ew gelek bi koça dawî ya Babe Şêx xemgîn bûne û got, em serxweşiyên xwe pêşkêşî Mîr Hazim Tehsîn Beg û xwîşk û birayên xwe yên Kurdên Êzidî li tevahiya cîhanê dikin.

Mele Cîhad Doskî amaje bi rola Babe Şêx di civaka Kurdistanê de kir û diyar kir, Babe Şêx roleke bi bandor di pêkevjiyana pêkhateyan de hebû. Mele Ziyad Doskî got: “Ya me ji Babe Şêx bihîstî, ji bilî xêr û başiyê tiştek nebû. Ne tenê bi axavtin, lê bi kiryar kar bi pêkvejiyanê dikir.”

Serokê Liqa Duhokê ya Yekîtiya Zanayên Ola Îslamê herwiha da zanîn: “Babe Şêx ti ferq û cudahî di navbera ol û mezheban de nedikir û berdewam digot, divê em pêkvejiyana xwe nû bikin. Me qencî ji Babe Şêx dîtin, em gelek xembar in bi koça dawî ya wî.”

Rêberê Rûhanî yê Êzidiyan Babe Şêx şeva bihorî li li nexweşxaneyeke Hewlêrê di 87 saliya xwe de ji ber nexweşiyê koça dawî kiribû.

Şîna giştî ya Babe Şêx 3 rojan dibe, lê belê li qezaya Şêxanê dê şîna bo mirina wî heft rojan berdewam be.

Li Şêxanê amadekarî bo pêşwaziya li terê Rêberê Civata Rûhanî ya Kurdên Êzidî, Babe Şêx berdewam in û hejmarek xelk li ser kolan û cadeya sereke ya qezayê çaverê ne.

Peyamnêrê Rûdawê, Eyûb Nisrî ragihand, ji ber pêkanîna rêkarên xweparêziya ji Coronayê, xelk li cihekî kom nabin û li çend cihan dûrî hev disekinin.

Herwiha li nav Şêxanê jî xelkê her tax û kolanekê bi cuda dê derkevin pêşwaziya termê Babe Şêx.

Rêberê Rûhanî yê Êzidiyan Babe Şêx şeva bihorî li li nexweşxaneyeke Hewlêrê di 87 saliya xwe de ji ber nexweşiyê koça dawî kiribû.

Şîna giştî ya Babe Şêx 3 rojan dibe, lê belê li qezaya Şêxanê dê şîna bo mirina wî heft rojan berdewam be.

Termê Babe Şêx ji Hewlêrê ber bi navçeya Şêxanê ve hat birêkirin û dê li gundê Bozan ê ser bi vê qezayê bi axê bihê spartin.

Herwiha li Şêxanê amadekarî bo pêşwaziya termê Babe Şêx hatine kirin.

Şîna giştî ya Babe Şêx 3 rojan dibe, lê belê li qezaya Şêxanê dê şîna bo mirina wî heft rojan berdewam be.

Termê Babe Şêx, rêberê rûhî yê Kurdên Êzidî îro ji Hewlêrê ber bi Şêxanê ve hat birêkirin û biryar e li wê derê di merasimeke taybet de bi axê bihê spartin.

Rêberê Rûhanî yê Êzidiyan Babe Şêx şeva bihorî li li nexweşxaneyeke Hewlêrê di 87 saliya xwe de ji ber nexweşiyê koça dawî kiribû.

Rêveberê Karûbarên Êzîdiyan ê li Wezareta Ewqafê ya Herêma Kurdistanê Xeyrî Bozanî ragihand, ku mirina Babe Şêx valahiyeke mezin di Civata Bilidn a Rûhanî û Sîstema Ayînî ya Êzidiyan de hêla û koçkirina wî xemeke mezin e bo hemû Kurdên Êzidî.

Rêberê Rûhanî yê Êzidiyan Babe Şêx niha 87 salî bû û nexweşiya gurcikê li gel hebû û vê yekê jî kar li ser dilê wî kiriye.

Babe Şêx roja Sêşemê ji Şêxanê bo nexweşxaneyeke Duhokê hatibû veguhastin, lê ji berê rewşa wî her girantir bûbû, ji bo nexweşxaneya Hewlêrê hatibû veguhestin.

Baba Şêx ji 1995ê vê serpreştî û xizmetê ji bo ola Êzidiyan dikir.

Babe Şêx, berpirsê karûbarên dînî yê Êzidiyan bû û ew xwedî otorîteya herî bilind yê Êzidiyan bû. Li Şêxan ji dayik bûye. Ji binemala Şêx Fexredî Kurdî Edî ye.  Babe Şêx di heman demê de berpirsê dibistana Laleşê bû.

Babe Şêx sê caran zewiciye û 10 zarokên wî hene.