Hewlêr (Rûdaw) - Serokwezîrê Herêma Kurdistanê Mesrûr Barzanî fermandarê nû yê Fermandarê Fermandariya Navendî ya Hêzên Amerîkayê (CENTCOM) Charles Brad Cooper kir.
Di civînê de guherînên ewlehiyê yên Îraq û herêmê mijara sereke bû û tekezî li ser girîngiya berdewamiya piştgiriya ji bo hêzê Pêşmergeyan hat kirin.
Serokwezîr Mesrûr Barzanî pîrozbahiya destbikarbûnê li Cooper kir û di erka wî de jê re serkeftin xwest.
Her wiha spas û pêzanîna Herêma Kurdistanê ya ji bo hevkarî û piştgiriya Amerîkayê ducare kir.
General Kevin Lambertê ku Fermandarê nû yê Hêzên Hevpeymanan ê li Îraq û Sûriyeyê ye jî beşdarî civînê bû û Mesrûr Barzanî pîrozbahiya destbikarbûnê lê kir.
Ji aliyê xwe ve, Fermandarê CENTCOMê Cooper amaje bi girîngiya pêgeha Herêma Kurdistanê ya wekî hevpeyman û hevparê sereke yê Amerîkayê yê li herêmê kir.
Cooper her wiha piştgiriya welatê xwe ya ji bo ewlhî û aramiya Herêma Kurdistanê ducare kir.
Yekî ji mijarên din ên civînê gotûbêjkirina li ser rûbirûbûna gef û metirsiyên DAIŞê û her wiha guherîn û bipêşketinên dawî yên li Sûriyeyê bû.
