Hewlêr (Rûdaw) - Belgefîlma dirêj a derhênerê Kurd a bi navê 'Veşartina Sedam' dê di Festîvala Belgefîlman a Navneteweyî ya Amsterdamê (IDFA) de were nîşandan.
IDFA li cîhanê wekî yek ji festîvalên herî girîng ên fîlman a di cureya belgefîlman de tê naskirin û belgefîlma 'Veşartina Sedam' bi hevkariya Tora Medyayî ya Rûdawê hat amadekirin.
Organîzatoran di civîneke çapemeniyê de ragihand ku nîşandana yekem a fîlma derhênerê Kurd Helkewt Mistefa ya bi navê 'Veşartina Sedam' dê di Festîvala Belgefîlman a Navneteweyî ya Amsterdamê (IDFA) de were nîşandan.
Festîvala Belgefîlman a Navneteweyî ya Amsterdamê (IDFA) dê di navbera 8-19ê Çiriya Paşînê de li Amsterdamê were lidarxistin.
'Veşartina Sedam' çîroka Ela Namîq e û behsa xweveşartina Serokê berê yê Îraqê Sedam Huseyîn a 235 rojan dike ku zêdetirî 150 hezar serbazên Amerîkî li wî digeriyan.
Wezareta Rewşenbîriyê ya Norwêcê bi daxuyaniyeke fermî pîrozbahî li derhêner Helkewt Mistefa kir û diyar kir ew li bendê ne ku fîlm di asta navneteweyî deng vede û bala rexnegirên sînemayê bikişîne.
Belgefîlma 'Veşartina Sedam' nûnertiya Norwêc û Îraqê dike.
Helkewt Mistefa kêfxweşiya xwe ya ji ber hilbijartina fîlma xwe ya ji bo IDFAyê anî ziman:
“Ez li hêviya nîşandana yekem a belgefîlma xwe ya li Amsterdamê me.”
.webp&w=3840&q=75)