Çîrok û çîrokbêjî yek ji parçeyeka çanda qedîm ya Kurdan e
Hewlêr (Rûdaw) - Derhêner û rojnamevan Diyar Bayram, 25 çîrokên herêma Şirnexê bi dîmen tomar kirîn û belgefîlmek ji van çîrokan çêkir.
Çîrok û çîrokbêjî yek ji parçeyeke çanda qedîm a Kurdan e.
Ev çanda kevnare ya ku ji ber teknolojiyê ber bi wendabûnê ve diçe, gelek caran ji aliyê xemxurên çanda Kurdî ve hewl tên dayîn ku heta hetayê zindî bimînin.
Derhêner û rojnamevan Diyar Bayram ê ji bajarê Şirnexê jî yek ji wan xemxurê çanda Kurdî ye û dixwaze çîrokên Kurdî li hemberî vê serdama teknolojiyê zindî bibin.
25 çîrokên herêma Şirnexê wekî video tomar kirin
Diyar Bayram bi piştgiriya Yekitiya Ewropayê û Saziya Cultur Civicê 25 çîrokên herêma Şirnexê bi video tomar kirin.
Derhênerê Kurd paşê jî ji wan çîrokan belgefîlmek bi navê “Carek Ji Caran” çêkir.
Belgefîlma “Carek Ji Caran” li bajarê Şirnexê bi rêya çalakiyekê hat nişandan.
Xelkê Şirnexê eleqeyeke baş nîşanî belgefîlmê da û xwestev çanda kevnare bê parastin da ku wenda nebe.
“Berê girîngiya çîrok û çîrokbêjan gelekî zêde bû”
Derhênerê belgefîlmê Diyar Bayram jî ji Rûdawê re diyar kir ku beriya ku elektrîk, televîzyon û telefon di nav xelkê de belav bibe girîngiya çîrok û çîrokbêjan gelek zêde bû û got:
“Dema mirovan dixwest wexteke xweş derbas bikin diçûn civata çîrokbêjan û heta derengiya şevê çîrok guhdarî dikirin. Heta demeke ev çand li gund û bajarên Kurdistanê bi awayekî zindî berdewam bû lê mixabin niha hema bêje nemaye.”
“Ji bo vejîna çîrok û çîrokbejiyê em dikarin ji teknolijiyê sûdê wergirin”
Diyar Bayram her wiha got ku pêşketina teknojiyê ev çand gelekî lawaz kiriye wiha domand:
“Lê em dikarin vê teknolojiyê ji bo çîrok û çîrokbejiyê ji nû ve vejînin bi kar bînin. Ez dixwazim li ser vî karê berdewam bikim.
Ez dê çi çîrokên ku berhev bikim dê li ser YouTubeyê parve bikin da ku herkes bikare lê guhdarî bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse