Malbata Şad Reûf Qezaz / Wêne û Vîdeo: Rûdaw
Dusseldorf (Rûdaw) - Zarokên Zagrosê pirtûkeka Şad Reûf Qezaz e û van rojan dê bi Kurdî biweşe.
Pirtûk berê bi navê “Kinderen van de Zagros” hatibû belavkirin.
Şad Qezazê nivîskarê kitêba Zarokên Zagrosê, li bajarê Ranyayê ji dayik bûye û li Silêmaniyê mezin bûye.
Sala 1997an tevî malbata xwe çûye Holendayê, Şad hingê zarokekî 7 salî bû lê paşê li Holendayê lîsansa felsefeyê standiye.
Berê bi zimanê Holendî hatiye nivîsîn
Şad li Holendayê bi rêya Skypeyê bû mêvanê Diyasporayê û li ser pirtûka xwe got:
"Min sala 2022yan bi zimanê Holendî dest bi nivîsandina pirtûkê kir.
Min piştî nêzî sal û nîvekê qedand û me kitêb belav kir, niha nêzî 600 nusxeyî hatine firotin."
Şadê ku kurê nivîskarê Kurd Azad Qezaz e, li ser dîroka Kurdan û herwiha olê çendîn pirtûk nivîsandine.
“Dê di demeke nêz de bê weşandin”
Şad diyar kir ku fikra wergera Kurdî ya bavê wî bûye û da zanîn:
“Piştî ku min pirtûka xwe bi zimanê Holendî kuta kir, bavê min biryar da ku pirtûkê wergerîne zimanê Kurdî.
Rabû kitêb wergerand û qedand û dê di demeke nêz de bê weşandin û bigihêje destê xwêneran."
Şad da zanîn ku naveroka pirtûka wî qala dotmîreke Kurd dike ku xanimek e û ji aliyê bavê xwe yê padîşah ve tê erkdarkirin da ku piştî mirina wî cihê wî dagire.
Li gel ku çend birayên wê xanima dotmîr hene û ji wê mezintir in jî ew hatiye erkdarkirin, loma jî keçik razî nabe û bi nobedarekî re direve û piştî wê gelek bûyer diqewimin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse