Hewlêr (Rûdaw) - Mardin 1969 Sporê di hefteya 6an a Lîga 1emîn de li mala xwe 1-0 zora Bodrum FKyê bir.
Emre Kaan Çalişkan hakemtiya maça li Stadyuma Bajêr kir.
Nîvê yekem ê maçê 0-0 bi dawî bû.
Teklic tîma xwe xist pêş
Di nîvê duyem de tîma malxwe dest bi êrişan kir.
Xuleka 52yan de Teklic gola xwe kir û Mardin 1969 Spor ket pêş.
Di dema mayî de ti golên din nehatin kirin û Mardin 1969 Spor bi ser ket û 3 puan standin.
Batman Petrolspor lîder e
Mardin 1969 Spor niha bi 12 puanan di rêza 4an de ye.
Mardin 1969 Spor dê 13ê Îlonê demjimêr 17:00an li deplasmanê bi Igdirê (Îdir) re bilîze. Igdir FK jî bi 12 puanan 5em e.
Li aliyê din, Batman Petrolspor di Lîga 1emîn de bi 16 puanan yekem e.
