Hewlêr (Rûdaw) – Tirkiye û Qeterê di qadên bazirganî, perwerde, dîplomasî û parastinê de 5 peyman hatin îmzekirin.
Piştî hevdîtina serbixwe û ya di navbera Serokkomarê Tirkiyeyê Recep Tayyîp Erdogan û Mîrê Qeterê Şêx Temîm bîn Hamed Al Sanî de li Ofîsa Dolmabahçeyê ya Serokkomariyê pêk hat merasîma îmzekirina peymanên ku dê di navbera her du welatan de bên îmzekirin dest pê kir.
Bi amadebûna Recep Tayyîp Erdogan û Al Sanî, di çarçoveya Civîna 12emîn a Komîteya Stratejîk a Bilind a Tirkiye û Qeterê de di navbera her 2 welatan de 5 peyman hatin îmzekirin.
Di navbera hikûmeta Tirkiyeyê û hikûmeta Qeterê de “Zebta Lihevkirinê ya li ser Hevkariya di Qadên Parastina Bazarê, Çavdêriya Bazarê û Kontrolkirinê de” ji aliyê Wezîrê Bazirganiyê ye Tirkiyeyê Omer Bolat û Wezîrê Bazirganî û Pîşesaziyê yê Qeterê Şêx Feysal Bin Sani ve hat îmzekirin.
Di navbera hikûmeta Tirkiyeyê û hikûmeta Qeterê de “Peymana Hevkariyê ya di Qada Perwerdeyê de” ji aliyê Wezîrê Perwerdeyê yê Tirkiyeyê Yusuf Tekîn û Wezîrê Dewletê yê Qeterê Dr. Muhammed bin Abdulaziz Al-Khulaifi ve hat îmzekirin.
Di navbera Wezareta Karên Derve ya Tirkiyeyê û Wezareta Karên Derve ya Qeterê de “Zebta Lihevkirinê ya li ser Hevkariya di Mijarên Aştî, Lihevkirin û Çareserkirina Aloziyan de” ji aliyê Wezîrê Karên Derve yê Tirkiyeyê Hakan Fîdan û Serokwezîr û Wezîrê Karên Derve yê Qeterê Mihemed bin Ebdurrehman Al Sanî ve hat îmzekirin.
Di navbera Tirkiye û Qeterê de “Daxuyaniya Hevpar a Civîna 12emîn a Komîteya Stratejîk a Bilind” jî ji aliyê Wezîrê Karên Derve Fîdan û Serokwezîr û Wezîrê Karên Derve yê Qeterê Al Sanî ve hat îmzekirin.
Di navbera Tirkiye û Qeterê de “Peymana Parastina hevbeş” jî ji aliyê Erdogan û Al Sanî ve hat îmzekirin.
