Hewlêr (Rûdaw) - Wêjegeh Amed û Navenda Lêkolînan a Dêrsimê dê li Dêrsimê kampeke wêjeyê li dar bixin.
Kamp dê 3, 4 û 5ê Tîrmeha 2026an pêk bê.
Her du saziyan li ser kampê daxuyaniyek da û bangî wêjehizên Dêrsimê kir.
Di daxuyaniyê de wiha hat gotin:
"Wekî Wêjegeh Amed û Navenda Lêkolînan a Dêrsimê em li benda hemû wêjehezên Dêrsimî ne.
Di çarçoveya kampa me ya wêjeyê de 4ê Tîrmehê dê bernameyek pêk bê.
Ev bername dê tevahiya rojê bidome û ji her kesî re vekirî ye."
Di daxuyaniyê de hat diyarkirin ku ew dê li kampê berhemên nivîskarê navdar Jorge Luis Borges bixwînin û li ser wan biaxivin.
Wêjegeh Amed û Navenda Lêkolînan a Dêrsimê li ser Borges û çalakiya xwe gotiye:
“Nuştoxo serkewte yê Amarîkaya Latîne Jorge Luis Borges yew seyah o ke sînoranê termanê sey hecim, zeman, heqîqet û şexsîyetî ke zêhnê însanî awan kenê ser o vindeno; Borges yew wendoxê kitaban bi ke sermayeyê însanîyetî yê felsefî, îlmî, mîtolojîkî û mîstîkî bi îhtîmam cîhanê xwu yê pêardişî de bica kerdê. Labelê Borges zêhnê xwu yo ke sey yew kitabxaneyê ebedî şixulîyeno de geyra û bi newe ra nuştişê hîkayeyê şexsîyetê xwu yê nuştoxîye gore dir eleqedar bi. Heme mewcûdatê xeyalî yê muhtemelî ke enê kitabxaneyî de yê dir dekewt miyanê kaya îcadkerdişişê cîhananê xeyalîyan û enê kayî bi venganeyê ke semedê ma hemîne bi nakokîyan û zaftewiran akerde yê, rişnayî kaxidî ser. Ceneqîyayiş û heyretê labîrentanê ci bi heme ecêbmendişanê xwu ewro hema zî zinde yê.
Ma niyet kerd ke Dêrsim de, ma bala xwu bidê cîhananê Borgesî yê zafhetinê asaye û nêasayeyan ser; bi nasnemeyan û ziwananê ci, bi tarîx û mîtanê ci, bi mexlûqan û sembolanê ci yê ke xwu bêminet danê dest la hende zî zanê xwu binimnê biwanê û ser o qisey bikerê.”
Wêjegeh Amed û Navenda Lêkolînan a Dêrsimê agahiyên li ser çalakiyê jî wiha parve kirin:
“Ma sey Wêjegeh Amed û Merkezê Cigeyrayişan yê Dêrsimî rojanê 3-4-5 Temûz 2026 de, Dêrsim de, çarçewaya kampê ma yê edebîyatî de bibo. Ma heme heskerdoxanê edebîyatî yê Dêrsimijan semedê programê xwu yê ke do seraserê roja 4ê temûzî dewam bikero kenê.”
Li gorî plana çalakiyê, bernameya 4ê Tîrmehê bi vî rengî ye:
15:00-16:30
Eynika Şikitî ya Kesayetî
Kerem Bakici- Ahmet Demîrel
Eke ma her çî bidîyêne ancî zî îhtîyacê ma bi vatiş biyêne? Alefê Borgesî ena perse perseno û bêcewab verdeno. A kureya qijeke ke odaya tarî ya binê nêrdewane de bereqîyena mucîze nîya, zayîat a. Çimkî keso ke vîneno, çiyo ke vîneno eke fam nêkero, temamê dinya destê ci ra semetîyena şina. Ma do Alefî tam zî ena nakokî ser ra biwanê. Keso ke bêpeynîtî qefelneno çi ra nêeşkeno vengê xwu bivîno?
17:00-18:30
Mexlûqê Hewnan yê Borgesî
Eylem Ata- Akın Yanardag- Yalçin Çakmak
Borgesî vateyo verîn yê Kitabê Mexlûqê Xeyalî de vano “Eke ma Prens Hamlet, nuqta, xêze, zemîn, hîpersethê n-dîmensîyonelî û hîpercîldî; heme termê umûmî yê sosyalî û belkî zî her yewê ma û îlahan zî daxil bikerdêne eşkayne wedaro.”
Borgesî kaxidî ser o nuştişê enê sernameyî dir seke jûyna cîhan mumkin kerdo. Seba ke wendoxî zî daxilê enê cîhanî bikero hereketanê tewr şinasî yê zêhnê însanî ra jûyî bikar ano: arêdayiş, cêmiyan ra vetiş û tesnîf kerdiş. Karakterê xeyalî û teswîrê ke metnanê folklorîkî, mîtolojîkî û edebîyatê kulturanê ciyayan ra vejîyenê vernîya ci, jû katalog de pêşkêş keno û dima zî îlawe keno vano “Jû kitabo winasî mecbûren kêmî maneno.” Û wendoxanê xwu dehwet keno ke “nameyê cinawiran”ê ke mintîqeyê înan de yê “raşt tehrîf bikerê û xisûsîyetanê înan ê tewr mişexesan” bişirawê. Belkî zî eno dehweto persa bingeyîne ya kitabî dano dest: Gelo nuştox raştikînî daxilê pêardeyî keno, yan oyo ke daxilê pêardeyî beno wendox o?
20:00-21:30
Dekewtiş Hewnanê Borgesî
Nesîmî Aday - Fatih Kok- Gonul Dalkuş - Ezgî Kaya- Lal Laleş
Gelo mimkun o ke merdim dekewo xeyalanê yew nuştoxî? Eyla eke eno nuştox Jorge Luis Borges bo ke misêwa sînoranê raştikînî û pêardeyî cayê înan ra hewelneno bo? Eno suhbet semedê cîhanê edebî yê Borgesî ke bi xeyalan, eynayan, labîrentan û edebîyatî mûnde jû dehwet o. Labelê ena rey amanc tenya famkerdişê Borgesî nîyo; cîhanê ke ey xeyal kerdê de xwu rê akerdişê yew cayî yo. Eger Borges ti biyêne, gelo senî fikirîyayne? Kamcîn hîkayeyî nuştêne? Kamcîn hewnî dîyêne? Muhîmtirê ci, eke Borges eyro bivejîyayne vernîya to, ey ti senî wendêne, to kamcîn karaktero pêarde de teswîr kerdêne? “Dekewtiş Xeyalanê Borgesî” yew raywanîya xeyalî pêşnîyaz keno ke sînorê mabeynê nuştoxî û wendoxî wedarîyenê, nasnameyî kewenê têmiyan û her raştameyiş yew metin ano meydan. Ena raywanî de Borges tenya yew nuştoxo ke analîz beno nîyo; tadiyeno beno jû fîguro ke ma xeyal keno, hetê ma ra yeno xeyaşkerdiş û belkî zî herinda ma de nusneno. Çimkî senî ke eseranê Borgesî de wina yo, tiya zî persa bingeyîne ena ya: Oyo ke hewn vîneno kam o, oyo ke zereyê hewnî de yo kam o, û ferqê mabeynê înan heqîqeten esto?
