Hewlêr (Rûdaw) - Li Sûriyê bihayê Dolar li bazarê bo yekem car gihîşte 8850 lîreyên Sûrî.
Li gor zanyariyên ku ji bazarên Sûriyê hatine wergirtin, nîvroja sêşemê, li bazarên Helebê 1 dola bi 8850 lîreyên Sûrî dihat firotin û bi 8750 lîreyên Sûrî dihat kirîn.
Di heman demê de, li bazarên Şamê 1 dola bi 8775 lîreyên Sûrî dihat firotin û bi 8675 Lîreyên Sûrî dihat kirîn.
Li parêzgeha Îdlibê ku di destê Heyata Tehrîr el-Şam de ye, 1 dola bi 8750 lîreyên Sûrî dihat firotin û bi 8700 Lîreyên Sûrî dihat kirîn.
Li bajarê Hesekê jî, 1 dola bi 8770 lîreyên Sûrî dihat firotin û bi 8670 lîreyên Sûrî dihat kirîn.
