رووداو دیجیتاڵ
راپۆرتێکی رۆژنامەڤانی وردەکاری نوێ لەبارەی دەستەوارە خەیاڵییەکەی یانەی هیلالی سعودی، بۆ لیۆنێل مێسی، ئەستێرەی ئەرجەنتینی ئاشکرا دەکات.
تۆڕی هەواڵی فۆکس سپۆرتس هەواڵێکی لەو بارەیەوە بڵاوکردووەتەو و دەڵێت "هاوینی ساڵی رابردوو، یانەی هیلال دەستەوارەیەکی پێشکێشی لیۆنێل مێسی کردووە، دەستەوارەکە مێژوویی، گەورە و خەیاڵی بووە و بۆ یەک هەفتە ئەو یانەیە مووچەی 15 بۆ 20 ملیۆن یۆرۆی خستووەتە بەردەم یاریزانەکە."
جگە لەو مووچە بەرزەی یانەکە پێشکێشی لیۆی کردووە، یاریزانەکە لەرووی داراییەوە سوودێکی زۆری دەبینی و 900 تاوەکو یەک ملیار یۆرۆی لە یانەکە وەردەگرت، بەڵام مێسی دەستەوارەکەی رەتکردەوە.
مێسی ئەو کاتەی لە پاریس سانجێرمان چوو، یاریزانێکی ئازاد بوو و هیلال دەیویست یاریزانەکە بۆ دوو وەرز بباتە خولی سعودیە، بەڵام لە گواستنەوەی ئەستێرە ئەرجەنتییەکە سەرکەوتوو نەبوو.
لیۆ دەستەوارە گەورەکەی سعودیەی رەتکردەوە و چووە یانەی ئینتەرمەیامی ئەمریکی، لە دوای وازهێنانی لەو یانەیە بەشێکی پشکەکانی یانەکە بۆ مێسی دەبن و گرێبەستەکەی لەگەڵ ئەو یانەیە تاوەکو 2025 بەردەوام دەبێت.
مێسی ئێستا بەهۆی پێکانەوە لە یاریگەکان دوورکەوتووەتەوە و بەهۆی ئەوەوە هەریەکە لە لویس سوارێز، سێرخیۆ بوسکێس و خۆردی ئەلباش پەیوەندیان بە یانە ئەمریکییەکەوە کردووە.
