رووداو دیجیتاڵ
کریستیانۆ رۆناڵدۆ دوای ئەوەی لە دوو یاریی رابردوودا گۆڵی تۆمارکرد و یانەکەی گەیاندە قۆناخی هەشتی جامی شا سەلمان، ئەمڕۆ ئێوارە لەبەردەم تاقیکردنەوەیەکی قورسدایە.
کاژێر 18:00 لە رکابەرییەکانی قۆناخی هەشتی پاڵەوانێتییەکەدا، یانەی نەسڕی سعودی بەسەرکردایەتیی کریستیانۆ رۆناڵدۆ بەرامبەر یانەی رەجائی مەغریبی یارییدەکات، کە رکابەرەکەیان یەکێکە لە یانە بەنێوبانگەکانی مەغریب و کیشوەری ئەفریقا.
نەسڕ لە قۆناخی کۆمەڵەکاندا، لە سێ یارییدا بردنەوەیەک و دوو یەکسانبوونی هەبوو و وەک دووەمی کۆمەڵەی سێیەم گەیشتە ئەم قۆناخەی پاڵەوانێتییەکە، یانەی رەجائی مەغریبی هەرسێ یارییەکەی قۆناخی کۆمەڵەکانی بردەوە و گەیشتە قۆناخی هەشتی پاڵەوانێتییەکە.
لە یاریی رابردووی نەسڕدا، سادیۆ مانێ، ئەستێرەی سەنیگالی وەک یەدەگ بەشداریی لە یارییەکەدا کرد و چاوەڕواندەکرێت ئەمڕۆ بەشێوەی سەرەکی یاریی بکات.
براوەی یاریی نێوان هەردوو یانە سعودی و مەغریبییەکە لە قۆناخی پێشکۆتایی جامی شا سەلماندا، رووبەڕووی یانەی شورتەی عێراقی دەبێتەوە و ئەگەر نەسڕ سەربکەوێت، کریستیانۆ رۆناڵدۆ بەرامبەر ئاسۆ رۆستەم هێرشبەری کورد یارییدەکات.
کریستیانۆ رۆناڵدۆ، لە جامی شا سەلماندا دوای ئەنجامدانی سێ یاریی 2 گۆڵی تۆمارکردووە، ئاسۆ رۆستەم، هێرشبەری کوردی یانەی شورتەش لە پاڵەوانێتییەکە خاوەنی دوو گۆڵە و شەوی شەممە، سەرکردایەتیی یانەکەی کرد بۆ بردنەوە لە یانەی سەدی قەتەری بە 4-2 و گەیشتنە قۆناخی پێشکۆتایی.
کریستیانۆ رۆناڵدۆ، لە جامی شا سەلماندا دوای ئەنجامدانی سێ یاریی 2 گۆڵی تۆمارکردووە، ئاسۆ رۆستەم، هێرشبەری کوردی یانەی شورتەش لە پاڵەوانێتییەکە خاوەنی دوو گۆڵە و شەوی شەممە، سەرکردایەتیی یانەکەی کرد بۆ بردنەوە لە یانەی سەدی قەتەری بە 4-2 و گەیشتنە قۆناخی پێشکۆتایی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ