رووداو دیجیتاڵ
لە شارێکی بچووکی ئیتاڵیا، یارییەکی گەورەی خولی یانە پاڵەوانەکانی ئەورووپا بەڕێوەدەچێت، یانەی کۆمۆ میوانداریی مانچێستەر یونایتد دەکات.
لە شەوێکی تایبەتی چامپیۆنزلیگدا، لە یارییەکانی گەڕی سێیەمی قۆناخی خول یانەی کۆمۆی ئیتاڵی بۆ یەکەمجار لە مێژووییدا لە یاریگای خۆی میوانداریی یانەی مانچێستەر یونایتدی ئینگلیزی دەکات و دەیەوێت لە سەرسامکردنی جیهان بەردەوامبێت و بردنەوەیەکی دیکە تۆماربکات.
کۆمۆ یارییەکی لە لایپزیگ بردووەتەوە و بەرامبەر فاینۆرد دۆڕاوە، ئەمجارە دەیەوێت سوود لە یاریگا و هاندەرانی وەربگرێت بۆ ئەوەی شەوێکی دیکەی چامپیۆنزلیگ بەناوی خۆیەوە بکات.
کۆمۆ شارێکی بچووکە و تەنیا 84 هەزار کەس تێیدا دەژین، یاریگای یانەکە تەنیا 13 هەزار و 600 هاندەر دەگرێت، بەڵام خەونی گەورە لەوێ کاریان بۆ دەکرێت و تیپەکە لەژێر سەرپەرشتی سێسک فابرێگاس، ئێستا لە خۆشەویستترین یانەکانی ئیتاڵیایە.
مانچێستەر یونایتد لە چامپیۆنزلیگ بردنەوەیەک و دۆڕانێکی هەیە، لە یاریی رابردوودا بەرامبەر ئاتلێتیکۆ مەدرید دۆڕا، لە دوایین 6 یارییدا لەسەرجەم پاڵەوانێتییەکاندا هیچ یارییەکی نەبردووەتەوە، لەم وەرزەی پرێمەرلیگیشدا تیپەکە تەنیا 1 بردنەوەی لە 7 گەڕدا تۆمارکردووە و دەیەوێت بە ئەنجامێکی باش لە کۆمۆ بگەڕێتەوە.
یارییەکە دەستپێکی یارییەکانی شەوی دووەمی گەڕی سێیەم دەبێت و کاژێر 19:45 بەڕێوەدەچێت.
