Cîhan
BELÇÎKA - Malbateke Kurd a ji pîrozbahiya Newrozê vedigeriya rastî êrişê hat / Wêne: Medyaya civakî
Hewlêr (Rûdaw) – Li bajarokê Heusden-Zolderê yê Belçîkayê, malbateke Kurd dema ku ji ahenga Newrozê wedigere, rastî êrişên nijadperestên Tirk hat.
Grûpa nîjadperest a Tirk, mala ku malbat lê dima dorpêç kir xwest wê malê bişewitîne.
Polîsên Belçîkayê jî li derdora malê tedbîrên ewlehiyê wergirt û nehişt êrişkar zererê bidin malbatê.
Dîmenên êrişê li ser medyaya civakî hatin parvekirin.
Nijadperstên Tirk ji ber alaya Kurdistanê li bajarokê #Heusden-Zolderê yê #Belçîka`yê êrişî malbateke #Kurd kir pic.twitter.com/8500t4PNaV
— RudawKurdi (@RudawKurdi) March 24, 2024
Di êrişa li bajarokê Heusden-Zolderê de, koma êrişkar gotina “Allah Ekber” qîr dike û êrişî mala malbata Kurd dike.
Polîsên Belçîkayê çûn cihê bûyerê û nehiştin êrişkar bikevin avahiyê.
Di dîmenên ku li ser medyaya civakî hatin parvekirin de tê dîtin ku camên mala ku êrişkar hewl didin têkevinê hatine şikandin.
Herwiha di dîmenan de tê bihîstin ku polîs bi zehmetî rê li ber êrişkaran digirin û endamên malbatê yên li malê asê mane jî bi tirs û xof di nav xwe de diaxivin.
Her dîsa di dîmenan de tê dîtin ku êrişkaran mal dorpêç kiriye û li malê zarok jî hene.
Ciwanên #Kurd li bajarokê #Heusden-Zolderê yê #Belçîka`yê, li nijadperestên #Tirk ên ku êrişî malbata Kurd kiriye digerin#Belgium pic.twitter.com/6Fr6fQ9pUY
— RudawKurdi (@RudawKurdi) March 24, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse