Hewlêr (Rûdaw) - Navenda Belgekirina Binpêkirinan a Bakurê Sûriyeyê îro ragihand ku Hêzên Nobedar ên Peravên Deryayê yên Lîbyayê, qeyikeke koçberan ji binavbûnê rizgar kiriye.
Li gorî zanyariyên heman navendê, ew kelek 3yê vê mehê ber bi peravên Îtalyayê ve diçû.
Piştî ku kelek derbasî ava Deryaya Spî bû bi demeke kurt, kir ku binav bibe.
Li ser vê yekê koçberan berê keleka xwe da nobedarên peravan ên Lîbyayê.
Bi tevahî 72 koçber di wê kelekê de bûn û 32 ji wan ji Kobaniya Rojavayê Kurdistanê bûn.
Rastî şkenceyê hatine
Ji 3yê mehê vê pêwendiya wan koçberan bi malbata wan re nemaye lê malbatan derxist holê ku koçber li cem polîsên Lîbyayê ne û rastî şkenceyê hatine.
Ew koçber ji bo ku werin rizgarkirin û jiyana wan bê parastin alikariyê dixwazin.
Li aliyê din, 14ê Hezîranê kelekeke ku 750 koçber tê de bûn li başûrê Girava Bîlosê ya Yûnanistanê binav bûbû.
Ew kelek jî ji peravên Lîbyayê ber bi Îtalyayê ve diçû û 6 ji wan koçberan ji Kobaniyê bûn.
