Hewlêr (Rûdaw) – Li Haîtiyê piştî ku çeteyan êrişî girtîgehê kir 3 hezar û 600 mehkûm reviyan.
Di dema vê êrişê de 12 mehkûman jî canê xwe ji dest da.
Bûyerê li Girtîgeha Bouquetsê ya li Porto-Prensa paytexta Haîtiyê rû da.
Çeteyan bi ser girtîgehê de girt û di navbera wan û hêzên ewlehiyê de şer û pevçûnan rû da.
Di dema vê biserdegirtinê de 3 hezar û 600 girtî reviyan û 12 girtî hatin kuştin.
Hikûmeta Haîtiyê da zanîn ku çeteyan berê sibehê bi ser girtîgehê de girtiye û reviyane.
Li hêla din, hat ragihandin ku di Girtîgeha Bouquetsê de 17 welatiyên Kolombiyayê jî hebûne.
Li gorî nûçeyên çapemeniya Haîtiyê, di bûyerên sê rojên dawiyê de 4 polîs hatine kuştin û bi dehan kes birîndar bûne.
Demên dawiyê ji bo îstifaya Serokwezirê Haîtiyê Ariel Henry gelek xwepêşandan tên kirin û di navbera xelkê û polîsan de pevçûnên dijwar diqewimin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse