Zelal Papo /Wêne: Rûdaw
Dusseldorf (Rûdaw) - Sibe li herêma Hamburgê ya Almanyayê hilbijartinên parlamentoya herêmê tên lidarxistin.
Di hilbijartinan de ne tenê xwediyên welatînameya Almanî mafê dengdanê heye lê di heman demê de ewên ku mafê man û jiyana li herêmê heye jî dikarin deng bidin.
Di van hilbijartinan de 784 namzed ji partiyên curbicur ên Almanyayê ji bo 121 kursiyan pêşbaziyê dikin.
Di nav wan de du berbijêr hene ku bi eşkereyî ragihandine ku ew Kurd in.
Ew jî Zelal Papo û Alî Ertan Toprak in ku her du jî ji lîsteya Partiya Yekîtiya Xiristiyan a Demokrat (CDU) in.
Li Hamburgê gelek Kurdan dijîn û dikarin sibe rolekê di hilbijartina van her du namzedan de bilîzin.
Banga Zelal Papoyê
Zelal Papo ku di heman demê de xwişka Seyran Papo ye bi rêya Rûdawê peyameke vîdyoyî belav kir tê de wiha got:
"Silav û rêz, Kurdistaniyên hêja. Ez peyvên ne diyar û ne zelal nabêjim. Ez Zelal Papo me, temenê min 26 sal e.
Ez Kurd im; gelekî zêrîn. Wekê ku hûn dizanin, di 2yê Adarê de hilbijartina parlamentoyê tê lidarxistin.
Ez endama Partiya Xiristiyan Demokrat im (CDU) û jimara min 47 e. Ev cara min a yekem e. Berê jî hebû ku kesekî Kurd ev erk girtibû ser milên xwe.
Eger ez bibim dengê we, ez dê bibim dengê jin, dengê spehîtiyê, dengê gencîneyê. Ez hêvîdar im ku em alîkar û piştgirên hev bin.
Divê em ji bo Enfal û zêdetirî du hezar şehîdan, ji bo kesên ku serê wan bilind e, hewl bidin.
Hezkirî û hêjano, wekî ku hunermend dizanin, 21ê Sibatê roja zimanê cîhanî ye. Ji destpêkê ve Kurmanî, Zazakî (Kirmanckî/Dimilî), Soranî, Goranî, Hewramî, hemû zaravayên zimanê Kurdî ji aliyê gelê me ve hatine pîrozkirin û niha bi rêz û rûmet in.
Ziman rûmet û keramet e. Çi qasî huner e, azadî ye. Zimanê me hebûna gelê me ye".
"Ez dixwazim bibim dengê Kurdan"
Zelal Papo a ji Cizîra Botan a Bakurê Kurdistanê bû mêvana Diyasporê bû, qala serpêhatiya xwe û sedemên beşdarbûna xwe di siyaseta Almanyayê de kir.
Papo wiha axivî: "Ev 7 sal in ku ez di nav Partiya Xiristiyan Demokrat de kar dikim û bi tevahî baweriya min bi prensîb û nirxên vê partiyê heye.
Ez dixwazim bibim dengê Kurdan di parlamentoya herêmê de û girîngiyê bidim mafên kêmnetewe û koçberan di vî welatî de."
"Ez dixwazim bi rêya siyasetê xizmeta ciwanên Kurd bikim"
Her wiha Zelal Papo li ser girîngiya xizmetkirina ji gencên Kurd tekez kir û got:
"Ez dixwazim bi rêya siyasetê xizmeta ciwanên Kurd bikim û derfetên baştir ji wan re biafirînim di warê perwerde, tenduristî û karkirinê de.
Genc çavkaniya paşeroja her neteweyekê ne û divê girîngiyeke taybet bi wan bê dayîn."
Zelal Papoya ku li Almanyayê ji dayik bûye, xwedî şarezayiyeke baş e di her du çandên Kurdî û Almanî de.
Ew her wiha wekî wergêra zimanê Kurdî kar dike û vê yekê jî alîkariya wê kiriye di têkilîdanîna bi civaka Kurdî re û têgihiştina pirsgirêk û hewcehiyên wan.
"Ziman beşeke giring a neteweyî ye"
Papoyê got: "Malbata min li malê bi Kurmancî dipeyive û ez jî hewl didim ku her dem zimanê Kurdî bi kar bînim, ji ber ku ziman beşeke girîng ji nasnameya neteweyî ye."
Derbarê bandora malbata wê ya li ser jiyana wê ya siyasî de, Zelal Papoyl wuha anî ziman:
"Berê bavê min di siyasetê de kar kiriye û ezmûneke wî ya baş heye. Ew berdewam piştgiriya min dike û min han dide ji bo berdewamkirina li ser vê rêyê.
Ez serbilind im ku malbateke min heye ku girîngiyê dide mafên Kurdan û piştgiriya min di hewlên min de dike."
"Divê her Kurd li her derê Kurdî biparêze"
Zelal Papo bi taybetî li ser girîngiya parastina zimanê Kurdî tekez kir û got: "Zimanê Kurdî hebûna gelê Kurd e
Divê her Kurd li her cihî a li zimanê Kurdî xwedî derkeve û biparêze. Ez wekî Kurdeke ku li derveyî Kurdistanê jiyanê derbas dikim, hewl didim berdewam zimanê xwe bi kar bînim û fêrî zarokên paşeroja xwe jî bikim."
Derbarê armancên xwe di hilbijartinan de, Zelal Papo wiha got: "Ez jimara 47 im di lîsteya partiya CDUyê ji bo hilbijartinên Hamburgê û ez hêvîdar im ku karibim baweriya dengderan bi dest bixim.
Em dixwazin partiya me CDU li Hamburgê jî serkeftî be û bernameyên xwe ji bo pêşxistina vê herêmê pêk bînin."
Alî Ertan Toprak, berbijêrê din ê Kurd ê ser bi Partiya Kirîstiyan Demokrat, ew jî bi heman rengî beşdarî vê hilbijartinê dibe û hewl dide nûnertiya Kurdên rûniştvanên Hamburgê bike.
Ev berbijêriya Kurdan di hilbijartinên Almanyayê de, nîşaneke girîng e di beşdariya siyasî ya kêmneteweyan û yekparçekirina koçberan di pergala siyasî ya Almanyayê de.
Bi giştî, namzediya Zelal Papo û Alî Toprak di hilbijartinên herêma Hamburgê de, derfeteke baş e ji bo gihandina dengê Kurdan bi parlamentoya Almanyayê û başkirina cihê civaka Kurdî di vî welatî de.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse