Enqere (Rûdaw) - Partiya Maf û Azadiyan (HAK-PAR) li Enqereya paytexta Tirkiyeyê 10emîn kongreya xwe ya asayî li dar xist.
Di kongreyê de Duzgun Kaplan careke din wekî serokê HAK-PARê hat hilbijartin.
Duzgun kaplan di gotara xwe de behsa pêwîstiya destûreke nû ya ji bo Tirkiyeyê kir.
HAK-PAR heman demê dixwaze di destura nû de mafê federaliyê ji bo kurdan bê dayîn.
“Divê temsîliyeteke Kurdan hebe”
Serokê HAK-PARê Duzgun Kaplan got, “Lazim e ku temsîliyeteke Kurdan hebe.
100 sal beriya niha temsîliyeteke Kurdan nebû.
Pêwiste Kurd zarokên Kurdan ji bo mafên rewa yên Kurdan temsîliyetek hebe.
Erkê parastina mafê Kurdan û avakirina temsîliyetekê li ser milê me ye û em dixwazin vê yekê bikin.”
Di kongreyê de delegeyên HAK-PARê, Bedevka DEM Partiyê û ji Partiya DEVAyê û çend partiyên din jî mêvan beşdar bûn.
Serokê CHPyê jî bi peyameke niviskî kongreya HAK-PARê pîroz kir.
Aligirên HAK-PARê di salona kongreyê de peyamên xwe ragihandin.
Endamê Reveberiya HAK-PARê Refik Karakoç diyar kir, “Kongre ji bo nûbûn, mezinbûn û berfirehbûna HAK-PARê gelekî giring e.”
“Em dê ji bo yekîtiya Kurdan kar bikin”
Endamê Rêveberiya HAK-PARê Mehmet Şah Eren wiha anî ziman:
“Hêviya me ji vê kongrê ew e ku em bikarin li hemû bajaran nûnertiyên xwe vekin û wan vekirî û aktîf bihêlin, armanca me ya sereke ev e.
Ya duyem jî em dê berdewam ji bo yeketiya Kurdan kar bikin.”
Di kongreya HAK-PARê de ji bilî nivîskar û siyasetmedarên ji Tirkiye û Bakurê Kurdistanê, nûnerên ENKS û PDKSyê yên Tirkiyeyê jî amade bûn.
“Partî gelek in lê heta niha partiyeke ku bibe sîwan tine”
Nûnerê ENKS û PDK-Syê Tirkiyeyê Muslîm Mihemed got:
Pêwendiyên me bi HAK-PARê re demeke dirêj e hene û pêwendiyên me berdewam in.
Ji bo kurdistana Tirkiyeyê pêwîstî bi partiyên çalak û xurt hene.
Partî gelek in lê heta niha partiyeke ku bibe sîwan tine.”
Di encama kongreya HAK-PARê de heman demê endamên encûmena partiyê û endamên lijneya disiplînê jî hatin hilbijartin.
.webp&w=3840&q=75)
