Hewlêr (Rûdaw) - Parlamenterê CHPyê yê Amedê Sezgîn Tanrikulu got, “Qeyûm destdanîna ser îradeya gel e û qeyûm gendeliyê dikin.”
Parlamenterê CHPyê yê Amedê Sezgîn Tanrikulu li Parlamentoya Tirkiyeyê derbarê kiryarên qeyûman de axivî.
"Kîjan dozgerê komarê dikare cesaret bike û derbarê wan de lêpirsînê bide destpêkirin?"
Tanrikulu di axaftina xwe de bal kişand ser gendeliyên qeyûman û wiha got:
“Di sê sernavan de talan heye parlamenterên birêz. Ji ber ku ev talan bûye karekî pratîk ê Partiya Dad û Geşepêdanê ,deng dernakeve.
Ez dibêjim sê sernav hevalno: Yek firotina milkan, ya din kiryarên avadankirinê ango erdên ku ji avadankirinê re tên vekirin û guhertinên avadankirinê, ya sêyem jî di kirîna kelûpel û xizmetan de kiryarên qeyûman hemû gendelî ne.
Hevalekî şaredar jî li vê derê ye. Binêrin ez dê îlanekê nîşan bidim.
Şaredariya Bajarê Mezin a Amedê berî du rojan daliqandiye ev guhertina avadankirinê, binêrin li vê derê rê heye lê tevî ku îlan hîn nehatiye daxistin rê hatiye rakirin û ranteke bi milyaran ji bo xwediyê milk hatiye pêşkêşkirin.
Qeyûm kî ne, qeymeqam û parêzgar in. Kijan dozgerê komarê dikare cesaret bike û derbarê wan de lêpirsînê bide destpêkirin?
Ez ji we dipirsim kîjan dikare? Bawer bikin ranteke bi milyonan lîre heye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse