Li Îzmîrê ciwanekî Efrînî ji aliyê nijadperestan ve hate kuştin

Hewlêr (Rûdaw) - Li bajarê Îzmîrê yê Tirkiyeyê Kurdekî ji Efrîna Rojavayê Kurdistanê hate kuştin.

Hejmareke ciwanên Tirk ên nijadperest li bajarê Îzmîrê, êrişî penaberê Kurd ê bi navê Mihemed Cemal Qasim kir û ew kêran kuşt.

Li gorî Rêxistina Mafên Mirovan a Efrînê Mihemed Cemal Qasim 15 caran hatiye kêrkirin.

Rêxistina Mafên Mirovan a Efrînê da zanîn piştre ciwanên nijadperest ên Tirk ciwanê Kurd ê Efrînî avêtiye parkeke bajêr û ji cihê bûyerê reviyane.

Xortê Kurd ê ku bi derbên kêran giran birîndar bûbû canê xwe ji dest da.

Heta niha sedemên kuştina xortê Kurd nayê zanîn û nasnameya êrişkaran jî diyar nebûye.

Mihemed Cemal Qasim xelkê ji gundê Meryemînê ye navçeya Şeranê ya Efrînê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger