Hewlêr (Rûdaw) – Recep Tayyîp Erdogan got, “Me Tifaqa Cumhurê ji bo çareseriyê gaveke wêrek avêt.”
Serokkomarê Tirkiyeyê û Serokê Giştî yê AK Partiyê Recep Tayyîp Erdogan bi endamên Komîteya Biryardayîn û Birêvebiriya Navendî re xwarina fitarê xwar.
“Me gaveke wêrek avêt”
Recep Tayyîp Erdogan dîsa amaje bi armanca ku ew wekî “Tirkiyeyeke Bêteror” bi nav dike kir û got:
"Me wekî Hevpeymaniya Cumhurê bi hevahengî gav ji bo Tirkiyeyeke Bêteror avêt û em ji bo çareseriya belayeke ku 40 salên Tirkiyeyê û canên bi deh hezaran kesan birin û bi sed milyaran dolaran xisara wê çêbû gaveke wêrek avêt"
“Me hewldanên belavkirina vîrusa mezhebîtiyê pûç kirin”
Erdogan got ku ew xwedî li nirxên neteweyî û manewî yên xelkê derdikeve û her wiha bi tolerans li awayên jiyanê yên cuda jî dinêre û li pey çû:
“Me hewldanên belavkirina vîrusa mezhebîtiyê pûç kirin ku heremê me ji hundir ve dixwin.
Em bi siyasetên xwe yên ku mirov, dilovanî, wîjdan, edalet û heqiyê esas digirin, bi taybetî li herêma xwe û li tevahiya cîhanê dikevin dilan.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse