Hewlêr (Rûdaw) - Serokê Şaredariya Beşîktaşê Riza Akpolat hat girtin.
Li Stenbolê di çarçoveya lêpirsîna li ser “rêxistina sûc”, 14 kes hatin girtin ku Serokê Şaredariya Beşîktaşê Riza Akpolat û Azîz Îhsan Aktaş hene.
2 kes bi şertê kontrola dadî hatin berdan û karên îfadedayînê yên 15 kesên din li dadgehê berdewam dikin.
Li gorî agahiyan, Serdozgeriya Stenbolê lêpirsînek li ser Azîz Îhsan Aktaş û rêxistina wî dimeşîne ku tê îdiakirin wan bi rêya bertîlan bandor li şaredar û rayedarên şaredariyan û îhaleyan kiriye.
Ji 40 gumanbaran 16 kes piştî kontrola tenduristiyê ya li Nexweşxaneya Dewletê ya Bayrampaşayê sewqî Dadgeha Stenbolê ya li Çaglayanê hatin kirin.
Akpolat û Aktaş li gel 12 kesên din piştî îfadeyê li cem serdozger ji aliyê dadgehê ve hatin girtin.
Dadgehê biryar da ku 2 kes bi kontrola dadî werin berdan û ji bo 15 kesên din jî biryar hîn nehatiye dayîn.
Dadgehê ji bo Ehmed Aktaş, Erdal Kavak, Esra Yenîdunya, Fatîh Alpkaya, Ferhat Keleş, Mehmet Ertaç Aydin, Mustafa Us, Ozcan Tunçel û Omer Gungor jî biryara kontrola dadî dabû.
