Hewlêr (Rûdaw) - Li gorî amarên “Platforma Em dê Kuştina Jinan Rawestînin”, li Tirkiye û Bakurê Kurdistanê Çiriya Pêşîn a 2023yan 34 jin hatine kuştin.
Herwiha di 10 mehên destpêkê yên sala 2023yan de jî 275 jin ji aliyê mêran ve hatine kuştin.
Platforma Em ê Kuştina Jinan Rawestînin amarên kuştina jinan ên Çiriya Pêşîn a 2023yan eşkere kirin.
Di meha Çiriya Pêşînê de hejmara jinên hatine kuştin li gorî heman meha sala par ji sedî 88 zêde bûye û gihiştiye 34 jinan.
Piraniya jinan ji aliyê hevjîn û xoşewîstê xwe ve hatine kuştin.
Li Stenbolê zilamekî xoşewîsta xwe û keça wê kuştin
Herî dawî jî roja 7ê Çiriya Paşîn li navçeya Bagcilarê ya Stenbolê ya Tirkiyê mêrekî xoşewîsta xwe û keça wê ya 14 salî kuştin.
Li gorî zanyariyan di navbera Barbaros Tuzun ê 48 salî û xoşewîsta wî Fîlîz Çîlîngîr a 42 salî de ku xwest jê veqete nîqaş derketiye.
Barbaros Tuzun diçe mala Fîlîz Çîlîngîr û li ber deriyê wan bi demançeyê guleyan li Çilingir û keça wê Selin Akçay a 14 salî direşîne.
Dayik û keça wê li cihê bûyerê canê xwe ji dest da.
Barbaros Tuzun piştî ku Fîlîz Çîlîngîr û keça wê kuştin di nav mala wan de bi heman çekê xwe jî kuşt.
Li ser agahdarkirinê polîs û tîmên tendirustiyê û çûn cihê bûyerê.
Termê her sêyan ji aliyê tîmên tenduristiyê ve rakirin morga Saziya Bijîşkiya Dadî ya Stenbolê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse