Hewlêr (Rûdaw) – Li nahiyeya el-Midhetiyeyê ya parêzgeha Babilê ya Îraqê 6 kesên ji heman malbatê hatibûn kuştin û şewitandin.
Polîsê Babilê ragihand, tawanbar qebûl kiriye ku wî her 6 kes kuştine û şewitandine.
Dadgeha Lêkolînê ya Hileyê jî li ser bûyerê daxuyaniyek da û got:
“Tohmetbar ji bo diziyê bike ew kes kuştine û paşê jî şewitandine.”
Hefteya borî, li nahiyeya el-Midhetiyeyê ya parêzgeha Babilê termên bav, dê û 4 zarokan ji malekê derketin.
Rayederan berê pêşbînî dikir ku agir girtiye mala wan û şewitîne lê derket holê ku beriya bişewitin bi kêran hatine kuştin.
Piştî vê yekê yekê lêkolînan dest pê kir û tawanbar hat girtin.
Di vê bûyerê de 6 endamên malbatê canê xwe ji dest da û tenê kurekî malê yê 9 salî xelas bû. Ew jî dema bûyerê li mala bapîrê xwe bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse