Hewlêr (Rûdaw) - Li gundê Qelayê yê Xurmatûyê, çar çekdarên DAIŞê nêzîkî bingeheke Pêşmerge bûn.
Hêzên Pêşmerge rûbirûyî wan bûn û ew neçar kirin ku birevin.
Fermandarê Pêşmergeyan Mihemed Çewrî ji Rûdawê re got, "Agahiya me ji liv û tevgera çekdarên DAIŞê ya li wî sînorî heye û hêzên me di amadehiya tam de ne.
Çend roj in em bi rêya kamerayên çavdêriyê wan dibînin. Wan çekdaran dixwest nêzîk bibin. Kamerayên termal li ser çekên wan hebûn û dixwestin nêzîk bibin da ku Pêşmergeyan şehîd bikin.
Pêşmergeyan gule li wan barand û ew nehatin pêş. Wan jî gule berda û pişt re reviyan."
Fermandarê Pêşmerge her wiha eşkere kir ku ji bo operasyona lêgerînê ya wê navçeyê divê ew razîbûna hikûmeta Îraqê û Wezareta Pêşmerge wergirin çimkî ew der dikeve navbera her du aliyan.