Hewlêr (Rûdaw) - Li navçeya Şemzînanê ya parêzgeha Colemêrgê ya Bakurê Kurdistanê, di dema xebatên çêkirina rê de kevir bi ser mînîbuseke rêwiyan de ketin.
Li gorî zanyariyan, îro li ser rêya sereke ya Şemzînan û Rûbarokê di dema xebatên çêkirin û firehkirina rê de kevir bi ser mînîbusekê de ketin.
Di wê mînîbusa rêwiyan de 5 kes hebûn.
Di bûyerê de zererên canî nebûn lê zerereke zêde ya madî gihişt mînîbusê.
Piştî bûyerê rêya sereke ya Şemzînan û Rûbarokê hat girtin û li ser rê rêzeke dûr û dirêj a otomobîlan çêbû.
.webp&w=3840&q=75)
