Dêrsim (Rûdaw) – Jineke Kurd li Dêrsimê piştî salên dûr û dirêj dest ji pîşeya xwe ya rojnamevaniyê berda û bi xurtkirina şarezatiya xwe ya di dîzaynê de, dest bi dirûtina cilûbergên dîrokî yên sedsala 18an û vir de kiriye.
Ayşe Sûrme Aylu di mala xwe de ku beşeke wê veguheriye atolyeyê, cil û bergên sedsala 18emîn li gor rojên îroyîn dîzayn dike û didirû.
Ew keça Kurd li Amedê beşdarî kursên fêrbûna dîzaynê bûye û paşê li bajarê Dêrsimê bicih bûye û dest bi karê dîzaynkirina cilûbergan û dirûtina cilûbergan kiriye.
Ayşe Surme wan cilûbergên ku bi dîzaynên balkêş didirû, bi riya medyaya civakî difiroşe.
Ayşeyê dema 8 salan karê rojnamevaniyê dikir, lê belê dest ji pîşeya xwe berda û li pey hezkirin û xeyala xwe ket û dest bi dirûtina kincên sedsala 18 û şûnde bi dîzaynên nû kir.
Aylu dibêje, dema em cilên kevnar didirû, hestê rêwîtiya dîrokê dide wê û ew gelek bi heyecan dibe.
Aylu piştî zewacê li Dêrsimê bi cih bûye û tekez dike, li Dêrsimê her tişt biha ye û qumaşê ku ew dixwaze peyda nabe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse