Hewlêr (Rûdaw) - Li parêzgeha Amedê ya Bakurê Kurdistanê di gera duyem a hilbijartina serokkomariya Tirkiyê de 1 milyon û 143 hezar û 887 dengder dê biçin ser sindoqan.
Li gor amarên Desteya Bilind a Hilbijartinên Tirkiye (YSK) li parêzgeha Amedê îro Yekşemê 28ê Gulanê ji bo gera duyem a hilbijartina serokkomariya Tirkiyê 3 hezar û 675 sindoq hatine danîn û 1 milyon û 143 hezar û 887 dender dikarin dengên xwe bidin.
Li parêzgehê hejmara dengder û sindoqan herî zêde li navçeya Peyasê ye û li navçeyê dê 270 hezar û 566 dengder biçin ser 758 sindoqan. Di rêza duyemîn de bi 254 hezar û 385 dengderan û 714 sindoqan navçeya Rezan heye.
Herwiha li parêzgehê navçeya ku herî kêm sindoq lê hatine danîn jî Karaz e ku tenê 38 sindoq hatine danîn. Navçeya herî kêm dengderên wê hene jî bi hejmara 7 hezar û 483 dengderan navçeya Çinguşê ye.
.jpg&w=3840&q=75)