Kerkûk (Rûdaw) - Li Kerkûkê kesekî êrişî xwişka xwe kir û bi tornavîdayê her du çavên wê derxistin.
Nûçegihanê Rûdawê da zanîn, jinikê her du çavên xwe ji dest dane û fermana desteserkirin brayê wê derketiye.
Li gorî agahiyên nûçegihanê Rûdawê Herdî Mihemed, navê jinikê Cemîle Husên Kazim e û sala 1959an ji dayîk bûye û bi birayê xwe Taha Husên re dijî.
Hevjînê Cemîle Husênê miriye û zarokên wê jî nînin.
Nûçegihanê Rûdawê Herdî Mihemed ragihand:
“Ew bi xwe sedema bûyerê vedigerîne ser wê yekê, birayê wê xwestiye erdekî ku tapoyê wê yê her duyan e, bifiroşe û wê jî rê li ber girtiye.”
Taha Husên li ser bûyerê ji kes û karên xwe re ragihandiye, “Pêwendiya wê bi tapoyê re nîne, ji ber pirsgirêkeke civakî bûye.”
Li gorî agahiyan jinika her du çavên xwe ji dest dane dê sibe were emeliyatkirin.
Taha Husên heta niha nehatiye desteserkirin.
