Hewlêr (Rûdaw) - Li navçeya Reşmilê ser bi parêzgeha Mêrdînê ya Bakurê Kurdistanê, di dawetekê de di navbera du aliyan de şer derket û di encamê de 11 kes birîndar bûn.
Li Taxa Bahçebaşi ya Reşmilê, şeva 24ê Gulanê di dawetekê de di navbera aliyê bûk û zava de ji ber sedemeke nehat zanîn şer derket.
Malbatên Acu û Çavuşoglu kursî û mase avêtin ji hevûdu û çek bikar anîn. Di encama bûyerê de ji her du malbatan 11 kes birîndar bûn.
Li ser agahdarkirinê tîmên tendirustiyê û hêzên emnî bo cihê bûyerê hatin şandin.
10 birîndar ji aliyê tîmên tendirustiyê ve bo Nexweşxaneya Perwerde û Lêkolînê ya Mêrdînê û birîndarek jî bo Nexweşxaneya Dewletê ya Qoserê hat veguhestin.
Derbarê bûyerê de lêpirsîn hat destpêkirin.