Şaredarê Dêrsimê Maçoglu banga hilbijartina dersa Kurdî kir

Dêrsim (Rûdaw) – Serokê Şaredariya Dêrsimê Mehmet Fatîh Maçoglu, bang li malbatan kir ku li dibistanan zimanê xwe yê zikmakî hilbijêrin da ku bi Kirmanckî (Zazakî) bijîn.

Serokê Şaredariya Dêrsimê Mehmet Fatîh Maçoglu anî ziman ku Kirmanckî di xetereya jinavçûnê de ye, bang li malbatan kir ku Kirmanckî (Zazakî) di dibistanan de wekî dersa bijarte ji bo zarokên xwe hilbijêrin.

Maçoglu got, “Civaka Dêrsimê, gelê me, em lal in, zimanê me Kirmanckî li ber windabûnê ye, hûn dizanin, li cîhanê 18 ziman di bin xetereya windabûnê de ne. Di dibistanan de dersên bijarte yên Kirmanckî, Zazakî hene, em dixwazin civaka me ji bo zarokên xwe vê dersê hilbijêre û zimanê xwe biparêzin da ku zimanê me winda nebe.”

Hilbijartina dersên bijarte yên ku dê di sala perwerdehiyê ya 2023-2024an de li dibistanên amadeyî yên girêdayî Wezareta Perwerdehiya Neteweyî ya Tirkiyeyê bên dayîn dê heta 10ê Sibatê berdewam bike.

Di çarçoveya Ziman û Zaravayên Zindî de (polên 5, 6, 7 û 8), zaravayên Kurmancî û Zazakî yên Kurdî jî di nav dersên bijarte de ne.

Serokê Şaredariya #Dêrsim'ê Mehmet Fatih Maçoglu:

🔶#Kirmanckî di bin metirsiya nemanê de ye û ji bo were parastin divê malbat zarokên xwe han bidin ku dersa bijarde a Kirmanckî hilbijêrin.#DersaKurdî #KurdîHilbijêre #ZimanêKurdî pic.twitter.com/29D9Vbuwwm

— RudawKurdi (@RudawKurdi) January 25, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger