Hewlêr (Rûdaw) – Li bajarê Kobaniyê yê Rojavayê Kurdistanê 8 hezar kes ji ber ava Çemê Feratê jehrî bûne.
Navenda Miştenûrê ya Tenduristiya Kobaniyê ragihand, ji destpêka îsal û heta meha tebaxê nêzîkî 8 hezar kesan ji ber ava Çemê Feratê jehrî bûne.
Bijîşkê Kurd Ehmed Mehmûd li Navenda Mişte Nûrê ya Tenduristiya Kobaniyê ragihand ku ji ber kêmbûna avê û berdana ava avrêjê ya nav ava Çemê Feratê, ava wê pîs bûye.
Ehmed Mehmûd diyar kir ku xelkê gundên nêzîkî Çemê Feratê neçar in ava wî çemî vexwin û got:
“Ji destpêka îsal û heta destpêka meha tebxê 7 hezar û 814 kes jehrî bûne û ew anîne navenda tenduristiyê.”
Li gorî rêkeftina sala 1987an a di navbera her du hikûmetên Tirkiye û Sûriyeyê de divê Tirkiye her kêliyekê 500 hezar metre sêca ava Çemê Feratê berde.
Tirkiye niha tenê 200 hezar metre sêca av berdide.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse