Hewlêr (Rûdaw) - Li hinek herêmên parêzgeha Şirnexê ya Bakurê Kurdistanê “7 roj qedexe” hat ragihandin.
Qedexe çiyayên Cûdî, Gabar û Zêrînê yên Şirnexê dide ber xwe.
Ev herêm wekî “herêma ewlehiyê taybet a demkî” hatin destnîşankirin û çûn û hatina wan herêman hat qedexekirin.
Parêzgariya Şirnexê îdia kir ku ev qedexe ji ber sedemên ewlehiyê hatiye îlankirin.
Hat gotin ku qedexe dê 24ê Hezîranê dest pê bike û heta 30ê Hezîranê biajo.
Parêzgariyê herwiha di daxuyaniyê de diyar kir ku çûn û hatina wan herêman ji bo ewlehiya can û milkê xelkê metirsî ye.
.webp&w=3840&q=75)
