Di teqîna Tirbespiyê de 8 şervanên YPG jiyana xwe ji dest dan

Hewlêr (Rûdaw) - Li bajarokê Tirbespiyê li Rojavayê Kurdistanê, di encama teqîneke xwekujî de 8 şervanên Yekîneyên Parastina Gel (YPG) yên girêdayî PYD jiyana xwe ji dest dan.

Li gora zanyariyên Rûdawê, teqîn duh (19.10.2013) êvarî di rêya 2 kesên xwekuj re ku cilên YPG lixwe kiribûn, di nava akadîmyayeke leşkerî ya YPG ku 4 km li Tirbespiyê dûr e, qeimî.

Hat gotin di teqînê de 8 şervanên YPGê jiyana xwe ji dest dane ku 4 jê ji bajarê Qamişlo û 2 jî ji bajarê Dêrikê bûn.

Peymanêrê Rûdawê li Qamişlo diyar kir ku birîndarên teqînê li nexweşxaneyên Qamişlo û Girkê Legê tên dermankirin, lê nayê zanîn ka hejmara birîndaran çend kes e.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger