Dema derxistina termê wî zarokî ji nav gola avê.
Hewlêr (Rûdaw) – Li navenda bajarê Zaxoyê zarokekî 9 salî di goleke biçûk a avê de xeniqî. Polîsê Zaxoyê jî ragihand, bi biryara dadwer, lêpirsîn derbarê bûyerê û û sedema mirina wî zarokî de dest pê kiriye.
Li gor daxuyaniya Polîsê Zaxoyê, li navenda Zaxoyê zarokekî 9 salî di goleke avê de xeniqî ye.
Di daxuyaniyê de tê gotin: “Bûyer demjimêr 23:30ê şeva bihorî (Duşem 19-6-2023) çêbûye, zarokê ku xeniqî ye 9 salî û navê wî M.K.S ye.”
Bûyer li Taxa Rikava ya Nû û li nêzîk Mizgefta Qidûs qewimî ye.
Termê wî zarokê 9 salî ji nav gola avê hatiye derxistin û bo Tiba Edlî ya Duhokê hatiye şandin.
Li gor daxuyaniya Polîsê Zaxoyê, bi biryara dadwer lêpirsîn derbarê bûyerê de dest pê kiriye û niha hêzên polîs li ser sedem û awayê bûyerê lêkolînan dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse