Amed (Rûdaw) - Li Bismila Amedê malbatên ku şerê hev kiribûn, di bin ewlehiya cendirmeyan de genim û cehên xwe didirûn.
Di 15ê Hezîranê de li gundikên Şidada û Sari Huseyîn a ser gundê Melefiyata ji ber erdan di navbera malbatên Taş û Alyamaç de3 ku xal û xwarzên hev in şer derketibû.
Di şerê ser zeviyan de 9 kes hatibûn kuştin û 2 kes birîndar bibûn. Ji ber van bûyeran îro 3 kes hatin girtin.
Xizmên kesên jiyana xwe ji dest dane heta niha konê sersaxî dananîne.
Hêzên ewlehiyê li gundikên ku bûyer lê qewimî tedbîrên ewlehiyê yên tund wergirtine.
Di ketin û derketina gundan de otomobîl û mirov tên kontrolkirin. Tîmên cendirmeyan li der û dora gund hatine bicihkirin.
Hate dîtin ku li gund di bin tedbîrên tund ên ewlehiyê de dirûn tê kirin.
3 kes hatin girtin
Li aliyê din lêpirsîna Serdozgeriya Komarê ya Bismilê ya di derbarê bûyerê de berdewam dike.
Di çarçoveya lêpirsîna ku 3 dozger hatin erkdarkirin de 2 jê birîndar 10 kes hatibûn desteserkirin.
Piştî karûbarê yasayî yên li cendirmeyê ji 7 kesên ku sewqî edliyeyê hatin kirin 3 kes hatin girtin û 4 kes hatin berdan. Her wiha ji bo girtina 16 kesên din jî xebat berdewam dikin.
