Hewlêr (Rûdaw) – Li parêzgeha Hewlêrê, otomobîlek qulibî û di encamê de 2 kesan canê xwe ji dest da û 3 kes jî birîndar bûn.
Li gorî agahiyên Rêveberiya Trafîkê ya Hewlêrê, li ser rêya Hewlêr-Dihokê, nêzîkî gundê Şaxolanê otomobîlek qulibiye.
Rêveberiya Trafîkê ya Hewlêrê sedema qezayê bi van gotinan eşkere kir:
“Ji ber leza zêde û şilbûna rê ya ji ber ava baranê şofêr kontrola xwe ji dest da, di encamê de otomobîl qulibî.”
Li gorî daxuyaniya Hikûmeta Herêma Kurdistanê, par 3 hezar û 706 qezayên trafîkê qewimîne û ji van 773 qezayan ên qulibîna otomobîlan bûn.
Di encama van qezayan de bi giştî 445 kes mirin û 7 hezar û 250 kes jî birîndar bûn.
