Hewlêr (Rûdaw) - Li parêzgeha Wanê, hefteya borî bi hinceta qaçaxçîtiya koçberan 9 kes hatibûn desteserkirin û 4 ji wan hatin girtin.
Rêveberiya Ewlehiyê ya Wanê ragihand ku xebatên rêgirîkirina koçberên neyasayî berdewam in.
Li tevahiya parêzgehê ji bo desteserkirina qaçaxçiyên koçberan di navbera 9-15ê Çiriya Pêşînê de operasyon hatin kirin.
Di operasyonan de bi hinceta “qaçaxçîtiya koçberan û bazirganiya mirovan” 9 kes hatin desteserkirin û ji bo Rêveberiya Ewlehiyê ya Wanê hatin birin.
Piştî karên îfadeyê 9 kes ji Dadgeha Wanê re hatin şandin.
Dadgehê li ser 4 kesan biryara girtinê da.
