Hewlêr (Rûdaw) - Li parêzgeha Çewlîgê mînîbûsek û otomobîlek li hev qelibîn û di encamê de 15 kes birîndar bûn.
Li Tirkiye û Bakurê Kurdistanê 9 roj betlaneya fermî ya Cejna Remezanê hat ragihandin.
Piraniya welatiyan ji bo ku cejnê bi xizmên xwe yên li bajarên din re derbas bikin ketin ser rêyan û hinekan ji wan di rê de bi otomobîlên xwe qeza kirin.
Li ser rêya Çewlîg û Mûşê mînîbûsek û otomobîlek li hev qelibîn.
Di encama qezayê de de her du şofêr û 13 kesên di wesayîtan de birîndar bûn.
Li ser agahdarkirinê polîs, cendirme û tîmên tenduristiyê çûn cihê bûyerê.
Tîmên tenduristiyê birîndar rakirin Nexweşxaneya Dewletê ya Çewlîgê.
Li gorî amarên ku Wezîrê Karên Navxwe yê Tirkiyeyê belav kirine, di 8 rojên betlaneya cejnê de 66 kesan canê xwe ji dest daye û 8 hezar û 352 kes jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse