Hewlêr (Rûdaw) – Nan li parêzgeha Îdirê ya Bakurê Kurdistanê bi qasî 2 lîreyan biha bû, nanfiroş dibêjin ku ew mecbûr mane nan biha bikin.
Nanê 200 gramî piştî vê zemê ji 6 lîreyan gihişt 8 lîreyan.
Li Tirkiye û Bakurê Kurdistanê pêdiviyên jiyanê yên bingehîn roj bi roj bihatir dibin.
Herî dawiyê li Îdirê jî nan biha bû û ji 6 lîreyan gihişt 8 lîreyan.
Xelk gazinan dike û dibêje nan biçûk dibe lê biha dibe.
Nanfiroş jî gazinan ji lêçûn û baca zêde dikin û dibêjin ku ew naçar in nan biha bikin.
“Me niha ji neçarî wiha kir”
Nanpêjek li ser zema dawiyê wiha axivî:
“Me ji ber zêdebûna bacan û lêçûnan nanê 200 gramî kir 8 lîre çimkî fêdeya me tê de nemabû.
Me niha ji neçarî wiha kir, ka em binêrin dê bibe.
Xelk mafdar e ku gilî û gazinan bike lê em jî mecbûr in wiha bikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse