Ehmed Zahîrî\ Wêne û vîdeo: Rûdaw
Hewlêr (Rûdaw) – Konsulê Îmarata Erebî yê Herêma Kurdistanê Ehmed Zahîrî diyar kir ku Herêma Kurditanê navendeke taybet a hişê çêkirî ava dike.
Ehmed Zahîrî li ser pêwendiyên Îmarat û Herêma Kurdistanê hecma bazirganiya di navbera her du welatan de bersiv da pirsên pêşkeşkarê Rûdawê Arêz Xalid.
Li gorî gotina Konsolê Îmaratê qebareyê sermayeguzariya di navbera Îmarat û Herêma Kurdistanê 2 milyar dolar derbas kiriye.
Ehmed Zahîrî da zanîn ku Herêma Kurdistanê dê navendeke hişê çêkirî ava bike û bi alîkariya wan dê li Herêma Kurdistanê hişê çêkirî zêdetir bi pêş bikeve.
Ehmed Zahîrî amaje bi pêwendiyên her du welatan kir û wiha domand:
Herêma Kurdistanê bi serokayetiya Serokwezîrê Herêma Kurdistanê Mesrûr Barzanî tevlî Kongreya Cîhanî ya Hikûmetan li Dubaiyê bûye.”
“Rêkeftin li ser sûdwergirtinê ye”
Şandeyeke Hikûmeta Herêma Kurdistanê bi serokayetiya Mesrûr Barzanî û Alîkarê Serokwezîrê Herêma Kurdistanê Qubad Talebanî 10ê Sibatê çû Îmaratê û tevlî Kongreya Cîhanî ya Hikûmetan bû.
Mesrûr Barzanî di lûtkeyê de bi çend serok, serkirde û berpirsên payebilind ên cîhanê re civiya.
Bi beşdariya zêdetirî 30 serok û serokwezîran 11ê vê mehê Lûtkeya Cîhanî ya Hikûmetan li bajarê Dubaiyê yê Îmaratê dest pê kir û îro bi dawî bû.
Konsulê Giştî yê Îmaratê behsa rêkeftina nû ya Îmarat û Herêma Kurdistanê kir û da zanîn ku rêkeftina doh a di navbera Îmarat û Herêma Kurdistanê de temamkerê rêkeftinên berê ye.
Mesrûr Barzanî û Wezîrê Karûbarên Encûmena Wezîran a Îmaratê û Serokê Lutkeya Cîhanî ya Hikûmetan Mihemed Qirqawî rêkeftina nû ya her du aliyan îmze kirin.
Rêkeftin nûkirina rêkeftineke berê ye ya di navbera her du aliyan de û dê 5 salan berdewam bike.
Hikûmeta Herêma Kurdistanê li ser rêkeftinê daxuyaniyek belav kir û got:
"Rêkeftin taybet e bi guherîna pispor û agahdariyên di warê dewletdariyê de.
Rêkeftin li ser sûdwergirtina ji tecrûbeya pêşketî ya Îmaratê ya di warê pêşxistina karûbarên hikûmet û pêşxistina şiyana mirovî û dezgehên hikûmetê de ye."
Konsulê Giştî yê Îmaratê Zahîrî jî tekez kir ku rêkeftin ji bo guherîna agahdariyan e.
Naveroka wê bikaranîna hişê çêkirî ye, di nav 5 salên pêş me de bi rêya bikaranîna teknolojiya herî nû ya hişê çêkirî.
Ew hêvî dikin ku di salên pêş de encamên rêkeftinê bibînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse