PDK ser mijarên makezagon û serokatiyê dicive

Hewlêr (Rûdaw) - Tê çaverêkirin encûmena serkirdayetiya Partiya Demokrat a Kurdistanê (PDK) sibê bicive û helwesta partiya xwe derbarê pirsa makezagon û serokatiya Herêma Kurdistanê de yekalî bike.

Endamê Encûmena Serkirdayetiya PDKê Elî Hisên ji Rûdawê re diyar kir civîna sibê civîneke asayî ye ku her 3 mehan carekê tê li dar xistin, lê ew civîn di qonaxeke girîng de ye ji ber niha pirsa makezagon û serokayetiya Herêma Kurdistanê di rojevê de ye.

Elî Hisên ku berpirsê şaxê Partî li Hewlêrê ye got, dê helwesteke serkirdayetiya partiya wan ya yekgirtî hebe ji bo vê qonaxê, ji ber dibe ku nêrînîn cuda di nava serkirdayetiya PDK de hebin û piştî civînê dê helwesta partiyê diyar bibe.

Elî Hisên da zanîn ku helwest û raya PDKê dê sibê di daxuyaniya encûmena serkridayetiyê de li ser wan pirsan bê ragihandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger