Hewlêr (Rûdaw) - Li herêma nêzîkî balafirgeha Qamişloyê guleyeke hawanê ket xwarê û teqiya.
Duh bi şevê li nêzîkî balafirgeha Qamişloyê ya li Rojavayê Kurdistanê dengê teqîneke bihêz hat bihîstin.
Li gorî medyaya Rêveberiya Xweser, guleyeke hawanê ji aliyekî nenas ve hatiye berdan û heta niha nayê zanîn bê çavkaniya wê çi ye.
Di encama ketina guleya hawanê de, kesekî bi nave Hesen Xelîl birîndar bû.
Bi gotina kesên ku li nêzîk cihê bûyerê bûne, armanca wê otombîlek bû lê ew otomobîl derbas bûye.
Hêzên Ewlehiya Hundirîn ên Rojavayê Kurdistanê jî li ser bûyerê dest bi lêpirsînê kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse