Hewlêr (Rûdaw) - Li parêzgeha Êlihê ya Bakurê Kurdistanê, hemû çalakiyên wekî meş, civîn, mîtîng û daxuyaniyên medyayê 5 rojan hatin qedexekirin.
Parêzgariya Êlihê ragihand, “Di çarçoveya bangên PKKyê de dibe ku bi hinceta `9ê Çiriya Pêşîn` ji vê dîrokê û pê de çalakiyên neyasayî bên kirin û zererê bidin yekitiya neteweyî û asayîşa civakê.”
Li gorî daxuyaniya parêzgariyê, civîn, meş, daxuyaniyên medyayê, grevên birçîbûnê, çalakiyên rûniştinê, mîtîng, vekirina standan, vedana konan, belavkirina belavokan, daleqandina pankartan û çalakiyên bi vî awayî yên li qadên vekirî ji 9ê Çiriya Pêşîn demjimêr 00:01ê heta 13ê Çiriya Pêşîn demjimêr 23:59an hatine qedexekirin.
Parêzgariya Amedê jî mîtînga DEM Partiyê qedexe kiribû ku dê 13ê vê mehê bihata kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse