AMED - DBPyê konferansa amadekariyê ya kongreya 6emîn li dar xist

Hewlêr (Rûdaw) - DBPyê beriya 6emîn kongreya xwe ya asayî li navçeya Rezanê ya Amedê konferansek saz kir.

Konferansa Partiya Herêmên Demokratîk (DBP) li navçeya Rezan ya Amedê bi dirûşma “Em Ê Bi Civaka Rêxistinbûyî Jiyana Azad Ava Bikin” dest pê kir.

Ji çend parêzgehên Bakurê Kurdistanê alîgirên DBPyê beşdarî konferansê bûn.

Herwiha gelek parlamenter û kesayetên siyasî jî amade bûn.

Li gorî agahiyan ev konferans wek amadekariya Kongreya 6emîn a DBPyê ye ku dê 12ê Çiriya Paşîna 2023yan li Enqere ya paytexta Tirkiyeyê were lidarxistin.

Di vê konferansê de dê nexşerêya partiyê ya nû bê gotûbêjkirin û hevserokên nû yên partiyê jî werin destnîşankirin.

Ji bo hevserokên nû yên DBPyê navê Çigdem Kiliçgun Uçar Hevseroka Partiya Çepên Kesk ku navê xwe wek Partiya Wekhevî û Demokrasiyê ya Gelan (HEDEP) hat guhertin û Keskîn Bayindir hevserokê niha yê DBPyê derbas dibin.

Namzetên me yên ji bo Hevserokatiya serdema nû Çîgdem Kiliçgûn Uçar û Keskîn Bayindir in. Em spasiya hevalên xwe yên ku di serdema borî de ked dane dikin û ji bo hevalên xwe yên ku wê di serdema nû de peywirê bigrin serkeftinê dixwazin! pic.twitter.com/eRV0pZOEnP

— DBP (@DBP_GenelMerkez) November 5, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger