Hewlêr (Rûdaw) – Agir bi Bazara Qeyseriyê ya dîrokî ya Hewlêrê ket.
Di vîdyoyên ku ji Rûdawê re hatine şandin de tê dîtin ku agir bi gelek dikanan ketiye.
Nûçegihanê Rûdawê Ferhad Dolemerî ragihand ku 16 tîmên agirvemirandinê ji bo kontrolkirina agir dixebitin.
Tîmên agirvemirandinê û welatî hewla kontrolkirina agir didin.
Heta niha sedema şewata Bazara Qeyseriyê nayê zanîn lê tê gumankirin ku ji ber elektrîkê be.
Şahidekî ji Rûdawê re ragihand ku agir saet 20:30ê êvarê derketiye.
Parêzgar, Qeymeqam û Rêveberê Giştî yê Parastina Sivîlan ên Hewlêrê li cihê bûyerê ne.
Yek ji şahidan sedema şewatê bi hebûna perdeyên li ser eşyayan ve girê da û got:
“Berî niha şaredariyê hişyarî dabû esnafan ku perdeyan rakin, hinekan qebûl kiribû, hinekan jî nekir.”
Şahidekî din jî ji Rûdawê re ragihand ku nêzîkî 20 dikanan şewitîne.
Şewata li Bazara Qeyseriyê ya Hewlêrê her ku diçe mezintir dibe
— RudawKurdi (@RudawKurdi) May 5, 2024
Gelek kes hewl didin ku kelûpelan ji dikanan derxin pic.twitter.com/284aCCHlbt
Xwediyê dikanekê ji Rûdawê re got:
“Dikana me bi temamî şewitiye û me 20 hezar dolar ji dest dan.”
Karmendekî agirvemirandinê ji xelkê xwest ku cihê bûyerê vala bikin ku karibin karê xwe bi rêkûpêkî bikin û agir vemirînin.
Şahidekî din ji Rûdawê re da zanîn, “Agir bi bazara Sêbîran û kolana yekem a Qeyseriyê ketiye.”
Agir bi Bazara Qeyseriyê ya Hewlêrê ket
— RudawKurdi (@RudawKurdi) May 5, 2024
Tîmên agirvemirandinê û welatî hewla kontrolkirina agir didin pic.twitter.com/vaEePcVzjR
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse