Hewlêr (Rûdaw) – Li gundewarên navçeya Pîranê ya parêzgeha Amedê ya Bakurê Kurdistanê şewat derket û midaxeleya ji bo vemirandina şewatê didome.
Li gundewarên navçeya Pîranê ji ber sedemeke ku hîn nehatiye zanîn şewat derket.
Li ser agahdarkirinê, Birêvebirya Karên Daristanan, tîmên vemirandinê, cendirme û tîmên tenduristiyê çûn herêma şewatê.
Hat ragihandin ku şewat ji cihên niştecihbûnê dûr e û xebatên tîman ên ji bo kontrolkirina agir didomin.
Her wiha hat eşkerekirin ku helîkoptereke cendirmeyan jî ji hewayê tevlî xebatên vemirandina agir bûye.
