Hewlêr (Rûdaw) - Desteya Tendirustiyê ya Kobaniyê dibêje, di havînê de dopişk zêde bûne, di meha borî de dûpişkan û maran bi 71 kesan vedane.
Desteya Tendirustiyê ya Rêveberiya Xweser a li herêma Kobaniyê di daxuyaniyekê de ragihandiye, ji ber ku îsal baran zêde bû, mar û dûpişk li navçeyên nêzîkî Çemê Feratê zêde bûne.
Desteya Tendirustiyê ya Kobaniyê dibêje, di mehekê de 71 kes ji ber vedana dûpişk û maran rakirine nexweşxaneyên herêmê.
Li gor desteya han, di meha bihorî dûpişkan bi 67 kesan û maran jî bi 4 kesan vedane.
Desteyê herwiha diyar kiriye, ti kesî ji ber vedana dûpişk û maran li herêmê canê xwe ji dest nedane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse