Hewlêr (Rûdaw) - Çekdarekî grupa Firqeya Hemzat a ser bi Tirkiyê ve li herêma Efrînê ya Rojavayê Kurdistanê destdirêjî li keçeke 13 salî kir.
Rêxistina Mafên Miorvan a Efrîn - Sûriye ragihand ku çekdarê bi navê Mihemed Cumaa yê ser bi Artêşa Niştimanî ya Sûrî ve, destdirêjî li keçeke 13 salî kir.
Li gorî Rêxistina Mafên Miorvan a Efrînê Mihemed Cumaa yê ku endamê grûpa Firqeya Hemzat e, roja Înê 30ê Hezîranê li gundê Ciwêq ê ser bi bajarê Efrînê ve, keça 13 salî revand û piştî ku destdirêjiya seksî lê kir, ew vegerandiyee nav malbata wê û reviya bajarokê Cindirêsê.
Rêxistina Mafên Miorvan ya Efrîn - Sûriye eşkere kir ku çekdar Mihemed Cumaa, bi hinceta ku alîkariyên mirovî pêşkêşî malbata keçikî bike diçû wê mala wan.
Rêxistina Mafên Miorvan ya Efrîn - Sûriye da zanîn ku bavê wê keça 13 salî, 93 salî û nabîna ye, rewşa tendirustî ya diya wê jî ne baş e.
Herwiha çekdarê ku destdirêjî li keça 13 salî kiriye, berê ji ber kiryarên wiha hatibû girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse